Конституциялык палата Баш мыйзамды өзгөртүүдө эреже бузуу тапкан жок

Конституциялык палатанын соттору өзгөртүү киргизилип жаткан Баш мыйзамда эреже бузуулар жок экенин билдирди. Чечим 11-октябрда чыгарылды. Палатадагы 11 судьянын ону аны колдоп, бирөө гана “өзгөчө пикирде” калганы кабарланды. Бирок ал ким жана кандай пикир экени маалымдалган жок.

2016-жылдын 29-сентябрында Жогорку Кеңеш референдумду дайындоо тууралуу мыйзам долбоорун биринчи окууда жактырган. Документке 94 депутат “макул”, 11 депутат “каршы” добушун берген.

Мыйзам долбоорун 90 эл өкүлү демилгелеген. Бийлик сунуштап жаткан Конституцияны өзгөртүү боюнча референдум 11-декабрда өтөрү айтылууда. Азыр тийиштүү мыйзамдар талкууланып жатат.

Жарандык активисттер жана оппозициядагы саясатчылар Конституцияны өзгөртүү – бийликтин ыйгарым укуктарын бекемдерин белгилеп, ага каршы болуп жатышат.

Булак:  “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *