Донбасста үч украин аскери жоголду

Донбасста чек ара линияларына жакын жерде үч украин аскери жоголду. Бул тууралуу Украинанын чыгышындагы операциялардын штабы кабарлады.

Штабдын маалыматына караганда, кечээ украиналык үч жоокер менен байланыш үзүлүп, алар украин аскер бөлүгү жайгашкан жерге кайтып барган эмес. Учурда окуянын чоо-жайы такталууда.

Украин аскерлеринин маалыматы боюнча акыркы сутка ичинде орусиячыл жикчилдер 48 жолу ок чыгарып, андан үч аскер кызматкери жараат алган.

Өткөн аптада Украинанын коргоо министри Степан Полторак Донбасстагы жикчилдер көзөмөлдөгөн райондордо 5 миң орусиялык аскер бар экенин айткан. ЕККУнун жаңы төрагасы Себастьян Курц болсо «ок атууну толук токтотуу» үчүн өз көзөмөлүндөгү жерлерди Донбасстын бүткүл аймагына кеңейтүү пландары бар экенин билдирген.

Булак: “Борбор Азия жаңылыктар кызматы”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *